Malaka oshirishni tashkil etish
O‘zbekiston Respublikasi Prezidentining 2020-yil 6-noyabrdagi PF-6108-son Farmoni va O‘zbekiston Respublikasi Vazirlar Mahkamasining 2022-yil 17-yanvardagi “Xalq ta’limi xodimlarini uzluksiz kasbiy rivojlantirish tizimini tashkil etish tartibi to‘g‘risidagi nizomni tasdiqlash haqida”gi 25-son Qaroriga muvofiq xalq ta’limi xodimlari o‘z ixtiyoriga ko‘ra Davlat budjeti mablag‘lari hisobidan pedagog kadrlar tayyorlaydigan oliy ta’lim muassasalarida hamda nodavlat ta’lim tashkilotlarida malakasini oshirishi mumkin. Undan tashqari, O‘zbekiston Respublikasi Prezidentining 2021-yil 25-yanvardagi PQ-4963 sonli Qaroriga muvofiq Xalq ta’limi vazirligi tomonidan xalq ta’limi xodimlari malakasini oshirish faoliyati bilan shug‘ullanayotgan nodavlat ta’lim tashkilotlarining elektron reyestrini tuzish va davlat budjetidan mablag‘lar faqat Reyestrga kiritilgan nodavlat ta’lim tashkilotlariga ajratilishi ko'zda tutilgan. Ushbu hujjatlarga muvofiq siz ham xalq ta'limi xodimlari malakasini oshirishni tashkil etmoqchi bo'lsangiz, ro'yxatdan o'tgan holda Reyestrga kirishga o'z arizangizni qoldiring.
